ಸೂಪರ್ ಸ್ಟಾರ್ ರಜನಿಕಾಂತ್ ಬಗ್ಗೆ ನಿಮಗಿದು ತಿಳಿದಿರಲಿ !

ಸೂಪರ್ ಸ್ಟಾರ್ ರಜನಿಕಾಂತ್ 

ಅವರ 64ನೇ ಜನ್ಮದಿನದ ಹಾರ್ಧಿಕ ಶುಭಾಶಯಗಳು

ರಜನಿಕಾಂತ್  ಸಂಭಾವನೆ ಎಷ್ಟು ?

ರಜನಿಕಾಂತ್ ಸಂಭಾವನೆ, ಎಷ್ಟೆಂಬ ನಿಖರ ಮಾಹಿತಿ ಇಲ್ಲ, ‘ಶಿವಾಜಿ’ ಚಿತ್ರದ ಯಶಸ್ಸಿನ ಬಳಿಕ ಅವರ ಸಂಭಾವನೆ ೨೬ ಕೋಟಿಗೆ ಏರಿತು. ರೋಬೋಟ್ ಚಿತ್ರಕ್ಕೆ ೧೦೦ ಕೋಟಿ ಸಂಭಾವನೆ ನೀಡಲಾಗಿದೆ ಎಂದು ಕೆಲ ವರದಿಗಳು ಹೇಳುತ್ತವೆ. ಏಷ್ಯಾದಲ್ಲಿ ಜಾಕಿಚಾನ್ ಹೊರತುಪಡಿಸಿದರೆ ಹೆಚ್ಚು ಸಂಭಾವನೆ ಪಡೆಯುವ ನಟ ರಜನಿ.

ದೇಶಾದ್ಯಂತ ಫೇಮಸ್ ಆಯ್ತು ಲುಂಗಿ!

ಚಿತ್ರಗಳಲ್ಲಿ ಸೂಟು, ಬೂಟು, ವಿಭಿನ್ನ ಪ್ರಕಾರದ ಡ್ರೆಸಿಂಗ್ ಇಂದ ಗಮನ ಸೆಳೆಯುವ, ಸ್ಟೈಲ್ ಕಿಂಗ್ ಎಂದೇ ಹೆಸರಾದ ರಜನಿ ನಿಜಜೀವನದಲ್ಲಿ ಮಾತ್ರ ತುಂಬಾನೇ ಸಿಂಪಲೆ! ಬಿಳಿ ಲುಂಗಿ, ಸಾದಾ ಶರ್ಟ್, ಹವಾಯಿ ಚಪ್ಪಲಿ ಧರಿಸಿ ಅವರು ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಪಾಲ್ಗೊಳ್ಳುವುದೂ ಉಂಟು. ‘ಲುಂಗಿ ನನಗೆ ತುಂಬಾ ಕಂಫರ್ಟ್’ ಎಂದು ಹೇಳಿಕೊಳ್ಳುವ ಅವರು ಲುಂಗಿಯನ್ನೂ ಸ್ಟೈಲಾಗಿ ಉಡುವುದು ವಿಶೇಷ! ಈ ಲುಂಗಿ ಎಷ್ಟು ಮೋಡಿ ಮಾಡಿದೆಯೆಂದರೆ ಕ್ಲಿಕ್ಕಿಸಿಕೊಂಡು ‘ರಜನಿ ಸ್ಟೈಲ್’ ಎಂಬ ಕ್ಯಾಪ್ಷನ್ ನೊಂದಿಗೆ ಫೇಸ್ ಬುಕ್ ನಲ್ಲಿ ಅಪ್ಲೋಡ್ ಮಾಡಿ ಹೆಚ್ಚು ‘ಲೈಕ್’ಗಳಿಗಾಗಿ ಪೈಪೋಟಿ ನಡೆಸುತ್ತಾರೆ. ರಜನಿ ಎಷ್ಟೋ ಬಾರಿ ವೇಷ ಮರೆಸಿಕೊಂಡು ರಸ್ತೆಬದಿಯ ಪುಟ್ಟ ಹೋಟೆಲಿನಲ್ಲಿ ತಿಂಡಿ ತಿನ್ನುತ್ತಾರೆ, ಕಾಫಿ ಹೀರುತ್ತಾರೆ. ಯಾವುದೋ ದೇವಸ್ಥಾನಕ್ಕೊ, ಊರ ಹೊರಗಿನ ನೀರವ ತಾಣಕ್ಕೋ ಏಕಾಏಕಿ ಭೇಟಿನೀಡುತ್ತಾರೆ. ಅಂದಹಾಗೆ ರಜನಿ ಎಂದೂ ಚಿನ್ನದ ಆಭರಣಗಳನ್ನು ತೊಡುವುದಿಲ್ಲ.

ರಸ್ತೆಯಲ್ಲೇ ವಾಕಿಂಗು

ರಜನಿಕಾಂತ್ ೬೫ರ ವಯಸ್ಸಲ್ಲೂ ಇಷ್ಟು ಫಿಟ್ ಆಗಿರಲು ಕಾರಣ ಏನು ಎಂದು ಬಾಲಿವುಡ್ ಸೆಲೆಬ್ರಿಟಿಗಳಿಂದಹಿಡಿದು ಜನಸಾಮನ್ಯರವರೆಗೂ ತಲೆಕೆಡಿಸಿಕೊಂಡಿದ್ದಾರೆ. ಇದಕ್ಕೆ ಕಾರಣ ರಜನಿಯ ಸರಳ ಹಾಗೂ ಆರೋಗ್ಯಯುತ ಜೀವನಶೈಲಿ. ಎಷ್ಟೇ ಬ್ಯುಸಿಯಾಗಿದ್ದರೂ ರಜನಿ ಬೆಳಗ್ಗೆ ದಿನಚರಿ ಆರಂಭಿಸುವುದು ವಾಕಿಂಗ್ ಮೂಲಕವೇ . ಈ ವಾಕಿಂಗ್ ಕೂಡ ರಜನಿ ಸ್ಟೈಲ್ ಒಳಗೊಂಡಿದೆ! ಅದೇನು ಅಂತೀರಾ? ಬೆಳ್ಳಂಬೆಳ್ಳಿಗೆ ಟ್ರಾಫಿಕ್ ಪಿರಿಪಿರಿ ಶುರುವಾಗುವ ಮುನ್ನವೇ ಖಾಲಿರಸ್ತೆಗಳಲ್ಲಿ ವಾಕಿಂಗ್ ಮುಗಿಸಿ ಮನೆಸೇರಿದ ಬಳಿಕ ಕಡ್ಡಾಯವಾಗಿ ಯೋಗ ಹಾಗು ಪ್ರಾಣಾಯಾಮ ಮಾಡುತ್ತಾರೆ. ಶೂಟಿಂಗ್ನಲ್ಲಿದ್ದರು ಯೋದ ತಪ್ಪಿಸುವುದಿಲ್ಲ ಎಂದು ಅವರ ನಿಕವರ್ತಿಗಳು ಹೇಳುತ್ತಾರೆ.

ಯಥಾರಾಜ, ತಥಾ ಕಳ್ಳ: ಪರಕ್ಕಾಸ್!

ಸಾಧಾರಣ ಕಥೆ, ಇಷ್ಟವಾಗುತ್ತದೆ. ಒಳ್ಳೆಯ ನಿರೂಪಣೆ, ಬಿಗಿಯಾಗಿದೆ. ಮಾಮೂಲಿ ಸಂಭಾಷಣೆ ನಗಿಸುತ್ತೆ; ಚಪ್ಪಾಳೆಯನ್ನೂ ಗಿಟ್ಟಿಸುತ್ತೆ. ಸುಮ್ಮನೆ ನೋಡಿಸಿಕೊಂಡ ಕೇಳಿಸಿಕೊಳ್ಳುವಂತಿರುವ ಹಾಡುಗಳು, ಖುಷಿಕೊಡುತ್ತವೆ. ಮೈನವಿರೇಳಿಸದಂತಿದ್ದರೂ ‘ವಾವ್’ ಅಂತೆನಿಸುವ ಸಾಹಸ , ಆಕರ್ಷಕವಾಗಿದೆ. ಅದ್ಭುತ ಗ್ರಾಫಿಕ್ಸ್, ಕಣ್ಮನ ತುಂಬುತ್ತೆ - ಬಿಕಾಸ್ ಆಫ್ ರಜನಿಕಾಂತ್!